2025 წლის 27 მაისს, საქართველოს საგარეო საქმეთა სამინისტროს ორგანიზებით დიასპორის დღისადმი მიძღვნილი ფორუმი- „დიასპორა სამშობლოსთვის - ტრადიცია, ერთიანობა, განვითარება“ გაიმართა. 

2025 წლის 24 მაისს, საელჩომ დამოუკიდებლობის დღე დიასპორის წარმომადგენლებთან ერთად აღნიშნა. საელჩოსთან არსებულმა ქართულმა საკვირაო სკოლამ საქართველოს დამოუკიდებლობის დღისადმი მიძღვნილი კულტურული ღონისძიება წარმოადგინა. ელჩმა ზურაბ ბერიძემ ეროვნული დღესასწაული მიულოცა სკოლის მოსწავლეებსა და მოწვეულ სტუმრებს.

2025 წლის 23 მაისს, საელჩოს შენობაში ნორვეგიაში მცხოვრები ქართველი მხატვრის, ლაშა ორჯონიკიძის ნამუშევრების გამოფენა მოეწყო.

ირაკლი კობახიძემ საგარეო საქმეთა მინისტრობის კანდიდატად მაკა ბოჭორიშვილი წარადგინა

2024 წლის 18 ოქტომბერს, ნორვეგიის სამეფოში საქართველოს საგანგებო და სრულუფლებიანმა ელჩმა ზურაბ ბერიძემ შეხვედრა გამართა ქართველ მოჭიდავესთან, თავისუფალ ჭიდაობაში ნორვეგიის ნაკრების მწვრთნელთან, ევროპის და მსოფლიოს ჩემპიონთან ზურაბ იაკობიშვილთან და  ნორვეგიელ მოჭიდავესთან,  ნორვეგიის ქალთა ნაკრების წევრთან, ევროპის ჩემპიონთან და პარიზის ოლიმპიადის ბრინჯაოს პრიზიორთან  გრეის ბულენთან.

2024 წლის 16 აგვისტოს, ნორვეგიის სამეფოში საქართველოს ელჩი, ზურაბ ბერიძე სამუშაო ვიზიტით ეწვია ქ. ოლესუნდს. საქართველოს ელჩმა ვიზიტის ფარგლებში გაცნობითი ხასიათის შეხვედრა გამართა ქ. ოლესუნდის სავაჭრო ასოციაციის აღმასრულებელ დირექტორთან ჰეიდი ნაკენთან

2024 წლის 16 აგვისტოს, ნორვეგიის სამეფოში საქართველოს ელჩი, ზურაბ ბერიძე სამუშაო ვიზიტით ეწვია ქ. ოლესუნდს. ვიზიტის ფარგლებში საქართველოს ელჩმა შეხვედრა გამართა ქ. ოლესუნდის მერთან ჰოკონ ლიკებუსთან (Håkon Lykkebø) შეხვედრაზე განიხილეს ორი ქვეყნის რეგიონებს შორის ურთიერთობების გაღრმავების საკითხები ვაჭრობის, ინვესტიციების, ტურიზმის და კულტურის მიმართულებით.

2024 წლის 9 აგვისტოს, 2008 წლის რუსეთ-საქართველოს ომის მე-16 წლისთავთან დაკავშირებით საქართველოს საელჩოში გაიმართა აგვისტოს ომის ამსახველი ფოტოგამოფენა და მიღება

2024 წელს 16 წელი სრულდება რუსეთის მიერ საქართველოს წინააღმდეგ განხორციელებული სრულმასშტაბიანი სამხედრო აგრესიიდან.  16 წლის შემდეგაც რუსეთის ფედერაცია აგრძელებს საქართველოს განუყოფელი აფხაზეთისა და ცხინვალის რეგიონების ოკუპაციას, ევროკავშირის შუამავლობით დადებული 2008 წლის 12 აგვისტოს ცეცხლის შეწყვეტის შეთანხმების დარღვევითა და საერთაშორისო სამართლის ფუნდამენტური ნორმების სრული უგულებელყოფით, რაც დასტურდება სისხლის სამართლის საერთაშორისო სასამართლოსა და ადამიანის უფლებათა ევროპული სასამართლოს მიერ 2021-24 წლებში მიღებული არაერთი გადაწყვეტილებით. 

გაცნობითი ხასიათის შეხვედრა ნორვეგიის სამეფოსა და ისლანდიის რესპუბლიკაში ეგვიპტის არაბთა რესპუბლიკის საგანგებო და სრულუფლებიან ელჩთან დოქტორ გამალ ა. მეთვალლისთან.

2024 წლის 26 მაისს, საქართველოს დამოუკიდებლობის დღესთან დაკავშირებით, საგენეს ეკლესიაში, რომელიც ოსლოს ერთ-ერთი უძველესი ეკლესიაა, საქართველოს საელჩოს თანაორგანიზებით, ქართულ - ნორვეგიულმა ანსამბლმა “გიორგი“ კონცერტი გამართა.

2024 წლის 26 აპრილს, ნორვეგიის სამეფოში ვიზიტის ფარგლებში, ილია დარჩიაშვილი ნორვეგიის პარლამენტის საგარეო საქმეთა და თავდაცვის მუდმივმოქმედი კომიტეტის თავმჯდომარეს, ინე ერიქსენ სორაიდეს შეხვდა.